احسن حاجه لما انا اعرف ان نقرا عن تجارب من استخدم والحاجه قبل ما انا
تجربة نيسان سنترا 2024 SV بعد قطع 13 الف كم ومقارنة مع كورلا 2024 Xli
2.0
حاولت اعدل الموضوع لكن وجدته مقفل بسبب مرور 30 يوم بدون ردود لذلك أنشأت جديد
اليوم كملت السيارة 160 الف كيلو متر
بدون مشاكل كبيرة تذكر والحمد لله
السيارة لا زالت بحالة ممتازة مريحة ومتماسكة تعودت عليها وعلى سواقتها ومثل ما ذكرت سابقا
مشكلة العزم الضعيف هي الي شوي مزعجة غير ذلك انصح بالسيارة لكل شخص يبي سيارة
عملية بسيطة وبسعر ممتاز
وسواقته (هادية ) ياخذها وبتعجبه ان شاء الله
الزيت كل 6 الالاف كيلو مع السيفون في بنشر عادي الزيت نوع هيليكس الأصفر shell
helix 10w30
بعد قطع 110 الالاف غيرت زيت القير CVT بزيت اصلي من الوكالة نوعه NS3 مكتوب
بالكاتلوج عند مركز
ون ستوب التابع لنيسان الحمراني لأن الوكالة شغلهم غالي ولازم اخذ الصيانة حسب الممشى وايضا
اختلاف اقوال مسؤلين الصيانة بالوكالة واحد يقول ما يغير فقط يزاد شوي والثاني يقول يغير
فقلت اغيره واريح نفسي وغيرته عند
ون ستوب وشغلهم ما اعجبني واضح ما عندهم خبره لكن الحمد لله الامور مشت تمام
واخذو 70 ريال شغل يد والزيت كلف 160 ريال وبعد التغير لاحظت تحسن بسيط باداء
القير
غيرت ايضا فلتر المكيف بعد ما لاحظت ضعف دفع الهواء بشكل واضح والفلتر سعره غالي
جدا وما لقيته الا بالوكالة ب 170 ريال
بعد ال 140 الف غيرت الكفرات الاربع
وأخيرا هذا الشهر غيرت البواجي وسير المكينة بعد ما بدأ يطلع صوت وايضا غيرت بطارية
السيارة لانه لاحظت الانوار تضعف وترجع طبيعي والمكيف ايضا وقال الكهربائي انه من البطارية وغيرتها
وضبطت
الفرامل لا زالت ممتازة ولا غيرت الفحمات لحد الان
واجهتني بالمكيف مشكلة انه لما اشغل السيارة وهي واقفه لساعات واحط المكيف على درجة 1
او 2 واحيانا 3 ما يشتغل دفع الهواء
الا لما احط الفرار على اقوى درجة 4 دقيقتين تقريبا ثم ارجعه على 1 ويشتغل
دفع الهواء طبيعي
والى الان ما صلحتها
هذي تجربتي حبيت اشاركم فيها والمعذرة على الاطالة
تجربتي ل سنترا
