احلى فطار و الله , طريقة صنع البان كيك
البان كيك من اكثر الاكلات اللي كل الناس بتحبها
كل الناس متفقه على حب البان كيك اطفال كبار
صغيرين وكبار اكتر اكل ينفع فطار ينفع عشاء يعني
الصبح ممكن تفطري به او ممكن بالليل تتعشى
بي ليه طرق كثير جدا تقدري تعمليها به يعني مثلا
البان كيك ينفع يتعمل بالتمر او يتعمل بالموز او ينفع
يتعمل بالشوفان طيب لو انا عايزه اعمله بالموز ايه الطريقه
السليمه عشان البان كيك يطلع ناجح ومظبوطه اول حاجه
هنجيب بوله هنحط فيها نص كوبايه دقيق وبيضاء ومعلقتين
لبن و موزه مهروسه كويس جدا و نقلب كل ده في بعض
وبعد كده هنجيب طاسه من اللي مش بيلزق فيها الاكل زي
الجرانيت او التيفال و ندهن الطاسه دي حته زبده صغيره جدا
وبعد كده هنبقى ننزل البان كيك واحده واحده وكل وش
يتحمر نقلبها على الوش الثاني والموضوع مش هياخذ
حوالي دقيقه واحده في كل واحدة بان كيك وبعد كده هنطلعه
في الطبق وتقدمه كده ممكن طبعا نقطع عليهم موز او
نقطع عليهم فراوله او نحط عليهم اي صوص بتحبه
زي الكراميل او شيكولاته مثلا
