سهلة خالص مش بتاخد وقت , طريقة عمل المكرونة بالجبنة البيضاء
المكرونه حاجه مرنة جدا ممكن اكلها باي شكل من
الاشكال ومن اجمل انواع المكرونه اللي ممكن ناكلها هي
المكرونه اللي بالجبنه البيضاء بتتعمل ازاي اول حاجه هنسلق
المكرونه عادي في حلة و نحط فيها ماية و اول ما الماية تغلى
احط فيها ملح و زيت و نحط المكرونه تسلق و نطلعها و
نصفيها بعد كده هنجيب بقى حلة ثانيه هنحط فيها زيت
الزيتون و نحط فيها ملح وفلفل وبقدونس و الجبنه البيضاء
هنستخدمها ونحط فيها المكرونه و نقلب كل ده مع بعض وبعد
كده اول ما تبقي الجبنه سايحة نحط الخليط ده كله في الصينيه و
نحطها في الفرن لمده عشره دقائق عشان تشمع و من افضل
انواع المكرونة اللى مش هتتهرى اما يتعمل فيها كل ده هى
مكرونة استار و كمان ياريت الجبنة اللى هنستخدمها متكونش
جبنة فيها ملح زى الجبنة الفيتا او الجبنة العلب او الجبنة المثلثات
