و لا اسهل من كده , طريقة عمل الكشك الصعيدى
الكشك الصعيدي هو مش كشك زي الكشك اللي احنا
بناكله العادي اللى هو بالجمبري او العربي العادي لا
الكشك الصعيدي مختلف شويه هو اصلا بيقى في
الكرات كده معموله من الكشك دي موجوده مجففه انت
هتجيبي بقى الكرات دي وتنقعيها فى ميه فتره طويله
طبعا مش اقل من ساعتين كده عشان تطرى و
بعد كده بصفيها خالص وبفتتها بايدي كده و
بعد كده تجيب حله كبيره بحط فيها سمنه و بصل و
ثوم و بقلبهم مع بعض لحد ما يتحمروا كويس و بعد
كده ننزل الكشك ونقلبه ثاني و بعد كده احط المرقة و
لو ما عنديش يبقى ماية و احط التوابل اللى انا حباها ملح و
فلفل وكمون وكزبره دول الاساسي وحطي اي حاجه ثانيه انا
عايزاها و افضل اقلب فيه لحد ما يتخن بعد كده اسيبه يبرد
واغرفهم في الاطباق و اسيبه بيتاكل طبعا بارد شويه مش
سخن واللي فوق الوش بحمر البصل و يكون ذهبي و مقرمش
