مستني القوى العاملة نعم اه عبارة مستني القوى العاملة ياه دى عبارة قديمة اوى مبقتش
موجودة
دلوقتي خلاص ده كان زمان فعلا كان زمان نخلص دراستنا الجامعية او حتي المؤهل المتوسط
ونستني
جواب القوي العاملة بالوظيفة و اللي مهما اتاخر كنا بنبقي متاكدين انه جاي بس دلوقتي
خلاص مفيش
القوى العاملة هتبعت لمين و لا مين البطالة و مشاكلها مبتنتهيش الاول عاوزين نعرف يعني
ايه بطالة
البطالة هي عدم توفر فرص العمل للقادرين عليه و المؤهلين ليه من حيث العمر و
المهارة البطالة منتشرة
جدا في اغلب الدول العربية و ده بيرجع لاسباب كتيرة جدا منها الكثافة السكانية و
عدم تكافؤ الفرص وتدني
اجور العاملين و الركود الاقتصادي للدولة وفي سبب تاني مهم عند اغلب الباحثين عن العمل
والي في الاخر
بيندرجوا تحت اسم البطالة و هو ثقافة العيب العيب انى اكون حرفي العيب اني اكون
اقل من زميلي العيب
اني ابدا صغير لاني هفضل صغير العيب اني ادور انا علي الشغل لا الشغل هو
اللي يجي طول مااحنا عندنا
كلمة العيب دى و الفكر المحدود ده هنفضل تحت عنوان البطالة طب نحلها ازاي من
ناحيتك انت في حلول
كتير طبعا قبل ما يكون من ناحية الدولة زي انك ممكن تطور من نفسك عشان
تقدر تلاقي وظيفة مناسبة
ليك في وسط الزحمة و التطور و التكنولوجيا دى و انك تختار المجال الصح اللي
ممكن تبدا بيه عشان تقدر
تكبر فيه و تخلق لنفسك فرصة عمل مناسبة تساعدك و تساعد غيرك بيها اما بقي
من ناحية الدولة فدي
بقي عليها كتير اوي زي انها تحاول انها تقلل من استخدام الحاسوب او الروبوت في
الشركات و تدي فرصة
للايد العاملة من تاني وزي انها تعمل احصاءيات مستمرة بنسبة البطالة و متابعة ادارات التنمية
البشرية و
نتائجها وكمان زيادة التوعية عند الشباب ان المؤهل الدراسي بتاعك لوحدة مش كفاية لازم تعرف
ايه هي
المهارات اللي ممكن تفيدك و تكتسبها و الخبرات اللي ممكن تكتسبها و تدور عليها الشغل
مستنيك بس
مش هو اللي هيخبط عليك لو سبت نفسك للبطالة هي اللي هتجيلك و تكتف ايديك
متوقفش
مقال عن البطالة , اسباب البطالة وطرق العلاج للمشكلة
مقالات عن البطالة
