من اجمل و اسهل نوعيات الخبز اللى يمكن تتعلمى طريقتها و تنجحى بها و كمان تبقى جددتى لعيلتك
و ضيفتى و صفه حديثة لمطبخك خبز النان الهندى نوع من نوعيات الخبز يخبز فالفرن و بيصبح محمر او
محمص المهم انه لذيذ تعالى نتعرف على مكوناتة و كيفية التحضير المكونات بسيطه جدا جدا و هى كوبايتين
من الدقيق الابيض اللى بنقول علية دقيق فينو و اربع معالق كبيره زبده سايحه او سمنه و رشه ملح و رشة
سكر و معلقه صغيره خميره فوريه و ملعقتينكبيرة ذبادى و تلتين كاس مياه دافيه و اشتغلى ندوب الاول الخميرة
و السكر فالمياه الدافيه و هنستنى شويه لحد ما تخمر و نتاكد ان الخميره شغاله و فو عاء تانى كبير و غويط
هنضيف كميه الدقيق مع الخميره و السكر و معاهم ملعقتين بس من الزبده او السمنه و نعجن لحد ما نلاقى كورة
من العجين المتجانس و نسيبه ساعه فمكان دافيء او اكتر لحد ما يتضاعف حجمة و نرجع بعد كدة نعجن تاني
لمده خمس دقايق و نبدا نشكل كور صغيره بحجم الليمونه و نبدا نفرد العجين على شكل دائرى فصينيه مدهونة
بشويه زيت بعد كده بنحضر قلايه على نار متوسطه و نبدا نرمى دوائر الخبز و احده و احده و فكل مره نستنى لحد
ما يتنفخ الوش الاول و ندهنة زبده و نقلب الخبز علي الوش التانى لحدما ياخد لون ذهبى و بس و بيتقدم الخبز ده
ساخن و طازه مع شاى او على الفطار مع مربى او جبنة او حتي مخللات او ساده حسب الرغبه و بالهنا و الشفا
كيفية خبز النان , الخبز المحمر الساخن
طرق خبز النان
